რამდენიმე გამყიდველი ერთ სალაროზე: როგორ ვნახოთ, ვინ რა გაყიდა

რატომ ჩნდება პრობლემა

მაღაზიაში, სადაც კონსულტანტები დარბაზში მუშაობენ, სალაროსთან ხშირად ის დგას, ვინც დილით ცვლა გახსნა, და ყველა გაყიდვა მის სახელზე იწერება. თვის ბოლოს ვეღარ ითვლი, ვინ რამდენი გაყიდა, და ბონუსი თვალით ნაწილდება. თუ ყოველ ჯერზე ცვლას ხურავ და თავიდან ხსნი, უჯრა ცვლის შუაში ითვლება და დღე ბევრ პატარა ცვლად იშლება. ერთი ცვლა და ყოველ გაყიდვაზე გამყიდველის სახელი ორივე პრობლემას ხსნის.

როგორ აკეთებ ამას Termino-ში

1. 1

   ჩართე მოლარის შეცვლა

   სისტემაში გახსენი „პარამეტრები“ → „კომპანიის ინფორმაცია“ → „კონფიგურაცია“ და ჩართე „მოლარის შეცვლა ცვლის განმავლობაში“. ის ყველა გეგმაზეა და ნაგულისხმევად გამორთულია. სალაროები ცვლილებას მომდევნო სინქრონიზაციისას იღებენ; ამისთვის სალაროს უახლესი ვერსია სჭირდება.

2. 2

   გადაწყვიტე, სჭირდება თუ არა PIN

   იქვეა „PIN-ის მოთხოვნა მოლარის შეცვლისას“, ნაგულისხმევად ჩართული. ჩართულზე სალარო არჩეული მოლარის PIN-ს ითხოვს, ამიტომ სხვის სახელზე ვერავინ გაყიდის. გამორთულზე საკმარისია სახელის არჩევა: ეს უფრო სწრაფია, მაგრამ გაყიდვა შეიძლება შემთხვევით სხვის სახელზე ჩაიწეროს.

3. 3

   მიამაგრე ყველა გამყიდველი ფილიალს

   ყოველ კონსულტანტს თავისი მოლარის ანგარიში და PIN სჭირდება. დაამატე ისინი გვერდზე „თანამშრომლები“ და მიამაგრე იმ ფილიალს, სადაც მუშაობენ: სალაროზე სიაში მხოლოდ ამ ფილიალის მოლარეები ჩანან.

4. 4

   გამყიდველი თავის სახელზე გადადის

   სალაროზე დააჭირე მოლარის სახელს ზედა მარჯვენა კუთხეში. გაიხსნება „მოლარის შეცვლა“ და კითხვა „ვინ ყიდის ახლა?“: აირჩიე სახელი და, თუ სალარო ითხოვს, შეიყვანე PIN. გამოჩნდება, მაგალითად, „ახლა ყიდის: ნინო“, და ამ მომენტიდან გაყიდვები, დაბრუნებები და თანხის გაცემა და მიღება ამ მოლარის სახელზე იწერება.

5. 5

   კალათა თითოეულს თავისი აქვს, ცვლას კი გამხსნელი ხურავს

   თითოეულ მოლარეს თავისი კალათა და გადადებული შეკვეთები აქვს: სხვაზე გადასვლისას დაუსრულებელი კალათა ინახება და დაბრუნებისას ისევ გხვდება. ცვლას მხოლოდ ის ხურავს, ვინც ის გახსნა: სხვა მოლარის დროს ღილაკზე წერია, მაგალითად, „მხოლოდ ნინო“. თუ ვინმეს გადადებული შეკვეთა დარჩა, სალარო ცვლას არ დახურავს, სანამ ის არ გაიყიდება ან არ წაიშლება. უჯრა ცვლის ბოლოს ერთხელ ითვლება.

6. 6

   ნახე სისტემაში, ვინ რა გაყიდა

   გვერდზე „გაყიდვები“ ყოველ გაყიდვას სვეტი „მოლარე“ აქვს: გაფილტრე ამ სვეტით და ნახავ ერთი ადამიანის გაყიდვებს. რეპორტში „ცვლები“ სვეტი „ცვლის გამხსნელი“ აჩვენებს, ვინ გახსნა ცვლა, ხოლო ცვლის სტრიქონზე დაჭერა ამ ცვლის ყველა გაყიდვას ხსნის, ყველა მოლარის.