რატომ ჩნდება პრობლემა
მაღაზია, რომელიც რვეულით ან Excel-ით მუშაობს, გაყიდვას და მარაგს ცალ-ცალკე წერს, ამიტომ ნაშთი ყოველთვის ჩამორჩება რეალობას. ცვლის ბოლოს უჯრაში ფული არ ემთხვევა და ვერავინ ამბობს, რატომ. ზოგი პროგრამა კი მხოლოდ ჩეკს ბეჭდავს და მარაგს საერთოდ არ იცნობს, ან ინტერნეტის გათიშვისას ჩერდება.
როგორ აკეთებ ამას Termino-ში
- 1
სალარო, რომელიც სწრაფად ყიდის
მოლარე შედის თავისი სახელითა და 4-ნიშნა PIN კოდით, პროდუქტს შტრიხკოდით, ძებნით ან ბადიდან ამატებს და იღებს ნაღდს, ბარათს ან ორივეს ერთად. ბარათის ტერმინალი სალაროსთან დაკავშირებული არ არის: ბარათით გადახდას ჯერ ტერმინალზე ატარებ, შემდეგ სალაროში ადასტურებ.
- 2
მარაგი, რომელიც თავისით ახლდება
ყოველი გაყიდვა ფილიალის ნაშთიდან აკლდება. ახალი საქონელი შემოდის შესყიდვით, Pro გეგმაზე კი RS.ge-ს ზედნადებიდანაც. სისტემის მთავარ გვერდზე, „მთავარი“, ჩანს შემოსავალი, პოპულარული პროდუქტები და მარაგი, რომელიც იწურება.
- 3
ნაღდი ფულის კონტროლი
მოლარე ცვლას იწყებს უჯრაში არსებული თანხით და ცვლის ბოლოს დათვლილ თანხას შეიყვანს. სალარო თავად ითვლის, რამდენი უნდა იყოს, და აჩვენებს სხვაობას, მფლობელი კი ყოველ ცვლას ხედავს რეპორტში „ცვლები“.
- 4
მუშაობა ინტერნეტის გარეშე
გაყიდვები ჯერ სალაროს კომპიუტერზე ინახება და კავშირის აღდგენისთანავე იგზავნება სისტემაში, ასე რომ, ინტერნეტის გათიშვა გაყიდვას არ აჩერებს. ცვლის დასრულებას და დღის დახურვას ინტერნეტი სჭირდება.
- 5
თანამშრომლები და უფლებები
მოლარე მხოლოდ სალაროზე შედის. მენეჯერს ან ბუღალტერს გვერდზე „თანამშრომლები“ დაამატებ საიტის მომხმარებლად, და ის სისტემაში მხოლოდ იმ გვერდებს ნახავს, რომლებზეც უფლება მიეცი.
- 6
გეგმა მაღაზიის ზომის მიხედვით
Lite გეგმა ერთი ფილიალისა და ერთი სალაროსთვისაა, 300 პროდუქტამდე და 4 მოლარემდე. Pro-ზე ფილიალები, პროდუქტები და მოლარეები შეუზღუდავია და ემატება RS.ge-ს ზედნადებები, წარმოება, რიგის ნომრები და შიდა გადაზიდვა ფილიალებს შორის.
სრული ინსტრუქცია სურათებით ხელმისაწვდომია Termino-ს სისტემაში შესვლის შემდეგ.
ნახე სრული ინსტრუქციახშირად დასმული კითხვები
რა ტექნიკა სჭირდება POS სისტემას?
Termino-ს სალაროს სჭირდება Windows ან macOS კომპიუტერი, რომელსაც შტრიხკოდის სკანერი, ქვითრის პრინტერი და ფულის უჯრა უერთდება. სისტემა ბრაუზერში იხსნება, ამიტომ მის სანახავად ცალკე პროგრამა არ გჭირდება.
შეუძლია მოლარეს სისტემაში შესვლა?
არა. მოლარე მხოლოდ სალაროზე შედის, სახელითა და PIN კოდით. თუ ვინმეს სისტემაში შესვლაც სჭირდება, დამფუძნებელი მას ცალკე ამატებს, როგორც საიტის მომხმარებელს.
მუშაობს Termino-ს სალარო ინტერნეტის გარეშე?
დიახ, გაყიდვა ინტერნეტის გარეშეც შეიძლება. გაყიდვები სალაროს კომპიუტერზე ინახება და კავშირის აღდგენისთანავე იგზავნება სისტემაში. ცვლის დასრულებას და დღის დახურვას ინტერნეტი სჭირდება.
რით განსხვავდება POS სისტემა POS ტერმინალისგან?
POS ტერმინალი ბანკის მოწყობილობაა, რომლითაც ბარათით გადახდას იღებ. POS სისტემა სალაროს პროგრამაა, რომელიც გაყიდვას, მარაგს და ნაღდ ფულს აღრიცხავს. Termino-ში ორივე ერთად გამოიყენება: ბარათით გადახდას ტერმინალზე ატარებ, სალარო კი მას აღრიცხავს.
როგორ შევცვალო გეგმა?
Termino-ს გეგმას და დამატებით სალაროებს ანგარიშის მენეჯერი ცვლის. შენი გეგმა, მისი ლიმიტები და გამოყენება ჩანს სისტემაში, „პარამეტრები“ → „გამოწერა“.