რატომ ჩნდება პრობლემა
ყველაზე ხშირი შეცდომა ისაა, რომ მაღაზია ჯერ ყიდვას იწყებს და აღრიცხვას მერე ამატებს: საწყისი ნაშთი არავის დაუთვლია, ამიტომ პირველივე თვის მარაგი არ ემთხვევა. მეორე შეცდომა ასორტიმენტის ხელით შეყვანაა, რომელიც შტრიხკოდისა და ფასის შეცდომებით ივსება. მესამე კი საერთო პაროლია მოლარეებისთვის: მერე არ ჩანს, ვინ რა გაყიდა.
როგორ აკეთებ ამას Termino-ში
- 1
კომპანია და ბრენდი
კომპანიის რეკვიზიტებს Termino-ს გუნდი ავსებს ანგარიშის გახსნისას. შენ გვერდზე „პარამეტრები“ ავსებ ველებს „ბრენდის სახელი“ და „ბრენდის ლოგო“, რომლებიც ქვითარზე ჩანს.
- 2
ფილიალი
ფილიალი არის ადგილი, სადაც სალარო მუშაობს და მარაგი ინახება. დაამატე ის გვერდზე „ფილიალები“, ღილაკით „ფილიალის დამატება“.
- 3
სალარო და დაკავშირების კოდი
გვერდზე „სალაროები“ დაამატე სალარო ფილიალისთვის. სისტემა გაჩვენებს ექვსნიშნა „დაკავშირების კოდი“-ს, რომლითაც მაღაზიის კომპიუტერზე დაყენებული სალარო შენს კომპანიას უკავშირდება.
- 4
მოლარეები, თითოეული საკუთარი PIN-ით
გვერდზე „თანამშრომლები“ ყოველ მოლარეს თავისი სახელი და 4-ნიშნა PIN კოდი აქვს, ამიტომ ყოველი გაყიდვა და ცვლა კონკრეტულ ადამიანს ეკუთვნის. მენეჯერს ან ბუღალტერს დაამატებ საიტის მომხმარებლად, მხოლოდ საჭირო გვერდების უფლებით.
- 5
კატეგორიები და ზომები
ყოველ პროდუქტს კატეგორია სჭირდება, ამიტომ ჯერ შექმენი „კატეგორიები“, მაგალითად „სასმელები“. ტანსაცმლის ან ფეხსაცმლის მაღაზიისთვის იქვე მოამზადე „ზომები“.
- 6
პროდუქტები Excel ფაილიდან
ასორტიმენტი ერთად შემოიტანე გვერდზე „პროდუქტების იმპორტი“: დააჭირე „შაბლონის ჩამოტვირთვა“, შეავსე ფაილი და ატვირთე. ცალკეულ პროდუქტს ღილაკით „პროდუქტის დამატება“ ამატებ, და თუ საქონელს შტრიხკოდი არ აქვს, ღილაკი „გენერირება“ შიდა შტრიხკოდს შექმნის.
- 7
საწყისი მარაგი
დათვალე თაროზე არსებული საქონელი და შეიყვანე რაოდენობა პროდუქტის დამატებისას, ფილიალების მიხედვით. ამის შემდეგ ახალი საქონელი შემოდის ღილაკით „შესყიდვის დამატება“, Pro გეგმაზე კი RS.ge-ს ზედნადებებიდანაც.
- 8
ქვითარი
გვერდზე „ქვითრის პარამეტრები“ აირჩიე, რა დაიბეჭდება მომხმარებლის ქვითარზე: ლოგო, ფილიალის მისამართი, QR კოდი და დამატებითი ტექსტი. ცვლილებას მაშინვე ხედავ ქვითრის ნიმუშზე.
სრული ინსტრუქცია სურათებით ხელმისაწვდომია Termino-ს სისტემაში შესვლის შემდეგ.
ნახე სრული ინსტრუქციახშირად დასმული კითხვები
რამდენ ხანს სჭირდება სალაროს პროგრამაზე გადასვლა?
ეს ასორტიმენტის ზომაზეა დამოკიდებული: თუ პროდუქტები Excel ფაილიდან შემოგაქვს, ყველაზე მეტ დროს საწყისი მარაგის დათვლა მოითხოვს. Termino-ში ყველაფერი, რასაც დაამატებ, მაშინვე ინახება, ამიტომ მომზადება ნაწილ-ნაწილ შეგიძლია.
შემიძლია პროდუქტების გადმოტანა სხვა პროგრამიდან?
დიახ, თუ ძველი პროგრამიდან პროდუქტების Excel ან CSV ფაილის ჩამოტვირთვა შეიძლება. Termino სვეტების ქართულ, ინგლისურ და რუსულ სათაურებს ცნობს, ამიტომ ასეთი ფაილი გვერდზე „პროდუქტების იმპორტი“ ხშირად უცვლელად იტვირთება; თუ არა, გადაიტანე სვეტები Termino-ს შაბლონში. შენახვამდე Termino ყველა სტრიქონს და მის პრობლემას გაჩვენებს.
რატომ არ შემიძლია პროდუქტის დამატება?
პროდუქტს ფილიალი და კატეგორია სჭირდება. თუ რომელიმე აკლია, Termino-ს გვერდი „პროდუქტები“ გეტყვის, რომელი, და შესაბამის გვერდზე გადაგიყვანს.
რამდენი პროდუქტის დამატება შემიძლია?
Termino-ს Lite გეგმაზე 300 პროდუქტამდე, Pro და ინდივიდუალურ გეგმებზე შეუზღუდავად. შენი გეგმის ლიმიტი და გამოყენება ჩანს სისტემაში, „პარამეტრები“ → „გამოწერა“.
ღილაკი „დამატება“ არააქტიურია. რატომ?
შენი გეგმის ლიმიტი ამოწურულია, მაგალითად Lite გეგმაზე ერთი ფილიალი ან ერთი სალარო. გეგმის შესაცვლელად დაუკავშირდი Termino-ს ანგარიშის მენეჯერს.